Posts Tagged ‘չինովնիկներ’


Ինչպես և կանխագուշակել էի անմիջապես Չալյանի պաշտոնանկությունից հետո, ՊՆ-ի վերին էշելոններում սկիզբ առած զտումները միայն Չալյանով չեն ավարտվի և կհետևեն այլ բարձրաստիճան զինվորականների պաշտոնանկություններ։ Հերթական գեներալը, ով վտարվել է Զինված Ուժերից, գեներալ-լեյտենանտ Արշալույս Փայտյանն է, ով զբաղեցնում էր ՀՀ ԶՈւ ԳՇ պետի (Խաչատուրովի) տեղակալի պաշտոնը։ (ավելին …)


Ցանկացած պետության պետականության հիմքում ընկած է այդ պետության հասարակությունը. որքան ավելի միավորված ու առողջ է հասարակությունը, այնքան ավելի կայուն ու ազատ է պետությունը։ Միևնույն ժամանակ, ցանկացած հասարակությունը ընթանում են տարաբնույթ գործընթացներ, որոնք միշտ չէ, որ նպաստում են հասարակության առողջացմանն ու զարգացմանը, իսկ հաճախ էլ ամբողջովին հակառակ ազդեցություն են ունենում։ Ուզում եմ խոսել մեր հասրակությունում առկա չորս երևույթների մասին, որոնք ըստ իս, մեծագույ վտանգ են ներկայացնում ինչպես մեր հասարակության, այնպես էլ առհասարակ պետության ու պետականության համար։  (ավելին …)


Երեկ բարձր ջերմություն ունեի ու տանն էի մնացել, ուստի առիթից օգտվեցի և վերջին մի քանի ամսվա մեջ առաջին անգամ որոշեցի հեռուստացույց նայել։ Վայ էդ որոշելուս, որովհետև հենց միացրեցի հեռուստացույցը, երկնագույն էկրանից ինձ սկսեց նայել մեր ԿԳ ամենայն պաթոլոգաանատոմ չաղ և բախտավոր դեմքը, ով փորձում էր բացատրել, թե ինչ հսկայական քայելրով է առաջ գնում եմր ԿԳ-ն ու ինչ մարտահրավերներ ունենք։ Դե հաղորդման վերջում էլ հաղորդավարը շատ խելացի տեսքով ամփոփեց, որ մեր ԿԳ ոլորտի հիմնական խնդիրը նրանում է, որ ուսման վարձերը դեռ եվրոպական ստանդարտների չեն հասել, բայց դե դա հասկանալի է, որովհետև առկա սոցիալական վիճակում դա անարդար կլիներ։ Ու այ էդ պահին ես էլ չդիմացա։ (ավելին …)


Հաշվի առնելով բոլոր միջադեպերը, որոնցում ներգրավված են եղել տարբեր պաշտոնատար, օլիգարխ և կիսաօլիգարխ դեմքերի թիկնապահները, առաջարկում եմ այս ոլորտը մեկընդմիշտ կանոնակարգել՝ ընդունելով ոչ միայն թիկնազորի թույլատրելի քանակի և կիրառության մասին օրենքներ, այլև օրենքք, որն ընդհանրապես կարգելի մասնավոր կազմակերպություններին ու անձանց մատուցելու համապատասխան ծառայություններ։

Օրինակ ի՞նչ վատ կլինի, եթե ընդունվի օրենք, համաձաայն որի ոստիկանությունում ստեղծվի հատուկ զտորաբաժանում, որը կզբաղվի զուտ թիկնապահությամբ, իսկ կֆինանսավորվի հենց այն մարդկանց միջոցներով, ովքեր այսօր իրենց միկրո բանակներն են պահում։ Ստորբաժանումը բաղկացած կլինի հատուկ պատրաստություն անցած մարդկանցից, որոնք կունեն անհրաժեշտ գիտելիքներ և որակավորում, ինչը հաստատ ավելի պրոֆեսսիոնալ կադրեր կապահովի։ (ավելին …)


Չեմ սիրում ՀԱԿ-ին, չեմ սիրում Փաշինյանին, բայց նախ, վարչապետն էլ աչքիս լույսը չի, հետո էլ օբյեկտիվ եմ ընկալում իրողությունը, իսկ իրողությունը կայանում է նրանում, որ Փաշինյանը չորով շշեց Տիգրան Սարգսյանին՝ հիմնավորված ու թվային արտահայտումով։ Կառավարության ծրագրի քննարկման ժամանակ, երբ մեր սիրելի վարչապետը հերթական գեղարվեստական գրականություն հիշեցնող ծրագիրը ներկայացրեց պրծավ, ոչ մի բան չասեց այն մասին, թե քանի տոկոսն է բնակչության ապրում աղքատության մեջ, չասեց թե ինչու են բնակչության եկամուտները նվազել, չխոսեց նաև իր և կառավարության այլ անդամների եկաամուտների մասին։

Փոխարենը, խոսեց Նիկոլը ու խոսեց նենց բաներից, որ ես իմ ընդգծված հակալևանական հալով չեմ կարա առարկեմ բերված թեզերին։ Մի քանի տվյալներ բերեմ Նիկոլի ասածներից.

  • 2008թ-ին Տիգրան Սարգսյանն իր անձնական եկամուտի վերաբերյալ հայտարարագրում  նշել է. 17 մլն 247 հզ. դրամ և 22 հզ. դոլար, իսկ 2012 թ-ին` 35 մլն դրամ և 870 հզ. դոլար (ավելին …)

Գյումրիում սեպտեմբերի 9-ին պետք է կայանան քաղաքապետի ընտրություններ ու քաղաքական միջավայրը ընտրություններին ընդառաջ գնալով շիկանում է, իսկ գյումրվա ներքաղական դաշտի նոր կոնֆիգուրացիան ավելի հստակ է ուրվագծվում։ Ընդ որում, նոր քաղաքական իրականությունում ամենա ոչ շահեկան դիրքը ներկայիս քաղաքապետ Վարդան Ղուկասյանինն է։

Խորհրդարանական ընտրություններում ՀՀԿ-ի շռնդալից պարտության գլխավոր մեղավորն ու պատասխանատուն, ով ընտրություններից հետո խուսափում էր թե լրագրողների, թե ՀՀԿ-ի վերնախավի հետ շփումներից, հիմա իրար է խառնվել և փորձում է աջակիցներ ու հովանավորներ գտնել։ Այնպիսի տպավորություն է, որ Վարդաանիկը դեռևս հույսեր ունի պահպանել իր պաշտոնը, բայց դե զարմանալ ամեն դեպքում պետք չէ, ի վերջո վարդը թղթով գիժ է… (ավելին …)


Երեկ իմացա, որ Ղարաբաղում նռնակի պայթյունից զոհվել է ժամկետային զինծառայող։ Ես ծանր եմ տանում ամեն մի նման լուր, բայց վերջին շրջանում բացի ջահել տղերքի մահվան փաստից ինձ հուներից հանումա մասնավորպես ՊՆ-ի հասարակության հետ կապերի համար պատասխանատու պաշոնայաների ակնհայտ անպատասխանատվությունն ու կոմպետենցիայի պակասը, եթե չասեմ դրա ի սպառ բացակայությունը։ Երեկ ֆեյսբուքում հենց այս հարցն էր քննարկվում, թե ինչու՞ նման նորությունները մարդիկ պետք է իմանան տարբեր լրատվամիջոցներից, որոնք դեռ մի բան էլ հաճախ «ծաղկացնում» են եղելությունը։

Առհասարակ, ինձ ջղայնացնումա, որ ամեն անգամ ՊՆ-ն գործումա տապոռի պես, երբ 1-2 օր էդ տեղեկատվությունը պատվումա տարբեր սլուխերով ու մտածածին փաստերով, մեկ էլ ՊՆ-ն հիշումա, որ ինքը պետքա հաղորդագրություն տարածի, ընդ որում, տարածած հաղորդագրություններն էլ մեկին մեկ նման են մեկը մյուսին, ոնց որ ուղղակի զոհված երեխու անունը փոխեն։ Արդյունքում ստանում ենք այն, որ ժողովրդի մոտ վստահության անկում է առաջանում բանակի հանդեպ, որովհետև բացի ՊՆ-ի հասարակության հետ կապերի բաժնի անտաղանդ ու անպատասխանատու գործողություններից առաջացած օբյեկտիվ ռեակցիայի, գործընթացի մեջ միանգամից խառնվում են տարբեր Ծովինար Նազարյաններ ու «Չենք Լռելու»-ներ ու ավելի խորացնում նեգատիվ ռեակցիաները։ (ավելին …)