Դրոշներ վառելու տեղը երեխաներ ունեցեք

Posted: Ապրիլի 24, 2012 in Uncategorized
Պիտակներ՝ , , , , , , ,

Չէ, չդիմացա։ Երեկվանից ինձ համոզում էի, որ գոնե սպասեմ էս մազոխիզմի 2012 եթերաշրջանը պրծնի, նոր անդրադառնամ Ցեղասպանության թեմային, բայց նեռվերս չդիմացան։ Մինչ բուն թեմային անցնելը, ուզում եմ մի երկու բառով նկարագրեմ այն բաները, որոնք ինձ հուներից հանեցին այս տարվա ցեղասպանությունամանիայի շրջանակներում։

Ամեն ինչ սկսվեց ջահերով երթից, որին ես այս անգամ էլ չկարողացա մասնակցել։ Ես առաջին ջահերով երթին էի մասնակցել, որ չնայած մանր-մունր թերացումներին, ընդհանուր առմամբ վատը չէր, բայց այն ինչ ինձ պատմեց եղբայրս, ով մասնակցել էր երեկվա ջահերի երթին, պարզապես գետինը մտնելու ցանկություն առաաջացրեց մոտս։ Սկսենք նրանից, որ ջահերով երթը փաստորեն վերածվել է բրազիլական կառնավալի պես մի բանի, որտեղ մարդիկ ասել-խոսալով, ծիծաղալով ու մեկումեջ էլ պիվա խմելով «ձգվում են» Ծիծեռնակաբերդ, իսկ պո խոդու մի թեթև էլ Թուրքիայի դրոշ են վառում ու բարձր վանկարկում «թուրքերի մերը։ Քանի՞ անգամ։ Հազար անգամ»… 

Տենց նեռվայնացա, մի հատ էլ ստատուս գրեցի ու պառկեցի քնելու։ Առավոտյան մտա համացանց ու տեսա որ հայ-հաաաաայ, մասսային տարելա։ Բնականաբար դո ֆիգա արյունոտ դրոշների նկարներ, բնականաբար ցասումնալից ու լացակումած ստատուսներ, մի խոսքով մազոխիստական ողջ ատտրիբուտիկան տեղում էր։ Ու դեռ սա էլ հերիք չի, մի հատ ումնիկ ստատուսիս տակ գրել էր, թե մարդիկ լինում են երկու տիպի՝ ֆեյսբուքում պրոպագանդող ու «պատերազմի առաջին զինվոր» դեմքեր և պրոպոգանդողներին քննադատող ու վաղը պատերազմում ընկածներին քննադատող դեմքեր և հարցրել էր թե որ խմբին եմ պատկանում ես…

Մի քանի ամիս առաջ գրել էի այս երևույթի մասին, այդ պատճառով, չեմ ուզում կրկնվել։ Անցնեմ էսօրվա թեմային ու ասելիքիս։ Նախ, ինձ զզվացրել են ձևական հայրենասիրության ու բռավադայի դրսևորումները։ Պետք է նշել, որ էսօր ֆեյսբուքյան մելոդրամատիկ ներակայացումների առաջնային դեմքերի հալալ կեսը ղզիկ մամայի բալեք են, ովքեր սկի բանակ էլ չեն ծառայել, բայց մեծ-մեծ փրթում են ու խոսում թուրքերին վառելու մասին։ Հատկապես նեռվերիս վրա ազդում են դրոշ վառելու արարողությունները։ Ասա այ քաջազուններ, էդ դրոշը տատս էլ կարար վառեր, եթե շուկայից գնար առներ, բա դե գանցեք թուրքի ձեռից խլեք դրոշը թե տենց դեմք եք։ Առհասարակ, բողոքիամենահիմար ձևերից եմ համարում , երբ բռնում են դրոշ, նկար, գիրք ու այլ բաներ են վառում, նամանավանդ, որ դրանք սկի մեծ ջանքով էլ չեն ձեռք բերվել։ Կամ էլ թե չէ նման նախաձեռնությունների ավանդական կազմակերպիչ դաշնակցությանը հիշացնես, որ թուրքերից պակաս վնաս իրանք չտվին, երբ 1917-1921 իրենք էին երկրի տերերը, ինչ եք հիմա գլուխ հարթուկում։

Ուզում եմ մի բան հասկանա էս ժողովուրդը։ Հա, թուրքական պետությունն էլ, ադրբեջանականն էլ մեր դարավոր թշնամիներն են ու չեմ պատկերացնում ինչ որ բան, որ կարողա մեկընդմիշտ լուծի այս խնդիրը։ Ուզում եմ նաև, որ հասկանան մարդիկ, որ եթե Ադրբեջանի հետ մենք один на один ԴԵՌ կարանք հախներից գանք, ապա Թուրքիայի հետ էդ անհնարա։ Գիտեմ, կան առցանց ռեմբոներ, ովքեր ֆեյսբուքով Ստամբուլն էլ նաղդ կգրավեն, բայց դե ես ինչքան զուրկ եմ թերարժեքության կոմպլեքսից, այնքան էլ՝ գերարժեքության կոմպլեքսից։ Ասածս էնա, որ եթե մենք երբևե ուզում ենք մաքրենք հաշիվներս/ետ բերել հողեր/հելնել սարի գագաթին, թքել թուրքի ճակատին, պետք է ունենանք դրան ադեկվատ հնարավորություններ ու առաջին հերթին դեմոգրաֆական առումներով։
Հրգելիներս, մի քանի տարուց հետո, մենք սկի բավարար թվով 18 տարեկան տղերք չենք ունենալու, որ մեր բանակը կարողնանանք լիարժեք լրացնենք, իսկ իմ սկեպտիցիզմը հուշում է, որ մեր սփյուռքահայ հայրենակիցներն էլ առանձնապես չեն պատրաստվում էդ հարցոում իրենց ավանդն ունենալ, ուստի մեր թիվ մեկ խնդիրը դեմոգրաֆական կատաստրոֆայի հաղթահարումն է։ Տարրական թվաբանություն իմացողն էլ կարող է հաշվել, որ եթե անգամ 100 տարվա ընթացքում Հայաստանում ամեն ընտանիք ունենա 5 երեխա, ապա ազգաբնակչությունը մեկ դար հետո կլինի 50 միլլիոն (սա իհարկե ֆանտաստիկ ժանրին կարելի է դասել)։ Ի դեպ, միակ պատճառը, որ մենք չպրծանք ցեղասպաությունից ու Մեծ Հայրենականում 300.000 տղամարդ կորցնելուց հետո, նրանում էր, որ մարդիկ մոտ 40 տարվա ընթացքում 5-10 երեխա էին ունենում, այնպես որ գլուխս թող չհարթուկեն, որ կենսամակարդակը նենց վատա, որ անհանարա՝ հաստատ 1915-55 թվերի կենսամակարդակից միլլիոն անգամ լավ ենք ապրում։

Ամեն դեպքում, եթե պետությունը և ժողովուրդը լուրջ ու արմատական կերպով չսկսի զբաղվել այս հարցով, ապա մենք ոչ թե Մասիսը կգրավենք, այլ սկի Արագածը չենք կարողանա պահել ու դա մաքսիմում 20-30 տարվա հարց է ներկա դինամիկայով։ Մյուս կողմից, եկեք մի կողմ դնենք էս ձևական քայլերը։ Թող ոչ մեկին չթվա, որ ես ցեղասպանությունը իմ ցավը չեմ համարում, բայց ես չեմ ըմբռնում ցավն ի ցույց դնելու մերօրյա դրսևորումները։ Ընդհանրապես, ողբն ու աղոթքը նման են նրանով, որ համաձայն քրիստոնեության, դրանք պետք է ի սպառ զուրկ լինեն ցուցադրականությունից, իսկ այն ամենը , ինչին ես ականատես եմ լինում այս օրերին, ուղղակի հեղեղված է ձևականություններով ու ցուցադրական էլեմենտներով։
Հ.Գ. Ցեղասպանությունը անցյալում էր, իսկ Արցախի հարցը մեր ներկանա ու ապագան։ Ես պարզապես երջանիկ մարդ կլինեի, եթե էն ուժն ու եռանդը, որ մենք ծախսում ենք Ցեղասպանության հետ կապված հարցերի վրա, գոնե մասամբ ծախսվեր օրինակ Ազատագրված տարածքների վերաբնակեցման համար, որովհետև եթե այսօր մենք սկի չենք կարողանում մի թիքա ազատագրված Արցախը մարսել, ոնց ե՞նք պատրաստվում վաղը տեր լինել Արևմտյան Հայաստանին…

Մեկնաբանություններ
  1. Cyberhawասում է՝

    Ova es apushutyun groxe?meke lini qez harcni du inch es anum es erkri hamar vor hla Dashnaknerin iranc characi hamar ban es asum….Nax 1918-1920-tvakannerin a exel,heto el et jamanak shat urish harcer en exel vor etenc korcrel en ishxanutyune.Droshe vareln el miayn gorci skizbn a….Dranic a sksvum amen inch…

    Like

    • antiliberastասում է՝

      Էս «ապուշություն» գրողը ես եմ, անունս էլ Կոստյայա։ Նախ, արի ավելի զուսպ խոսանք իրար հետ, եթե թմեայի շուրջ բան ունես ասելու, խնդրեմ, արի բանավիճենք, բայց ապուշություն-մապուշություն չխառնենք։
      1. ինչ ե՞մ ես արել։ դրոշ վառելուց հաստատ ավելի շատ ու օգտավետ բաներ։
      2. 1918-1920 եղելա Հայաստանի առաջին հանրապետությունը, բայց 1917-1918 եղելա անդրկովկասյան ֆեդերացիան, իսկ մինչև 21-ի կեսերը դաշնակները դեռ դերակատարություն ունեցել են.
      3. ի՞նչ են արել դաշանակները։ սխալ աշխարհաքաղաքական ստավկա ու տարվա ընթացքում հատ պարտված պատերազմ, որը պարտվել ենք առաջին հերթին էդ ժամանակվա դաշնակցական քաղաքական վերանախավի անտաղանդության պատճառով

      Like

    • antiliberastասում է՝

      Հ.Գ. 120 տարիա դրոշ եք վառում, մինչև հիմա սկիզբնա դեռ՞

      Like

  2. Գայանեասում է՝

    ամեն ինչ, ըստ իս, շատ էլ ճիշտ է ասված, նույնը ես էի մտածում…ու՞մ է պետք հ1-ով կամ ուրիշ ալիքներով էսօրվա սգավոր տեսքը, ո՞ւմ են պետք էսօր ցուցադրվող ֆիլմերը,,,իմ կարծիքով մեր ազգի ամբողջ ողբերգությունը նրանում ա, որ մենակ սենց օրերի են մեծ-մեծ փռթում,,,մենակ էս օրերին են կարում ինչ-որ ֆիլմեր, կադրեր ցույց տալ, պատմաբանների հետ զրուցել,,,իսկ մնացած ժամանակ կարելի ա ցույց տալ սերիալակույտ…

    Like

  3. Վահէասում է՝

    Կոստյա ջան, հիմնականում քո հետ համաձայն եմ, բայց ինձ չի թվում, թե մենք Թուրքիայի դեմ զրո ենք. աչքներիս դեմը հաղթած կռիվ ունենք Ղարբաղում, էլ չասած տասնութ թվի Մայիսյան հերոսամարտերը:Իսկ ինչ վերաբերում ա դաշնակներին. երբ Նժդեհը Զագեզուր էր պահում, դաշնակները հրահանգում էին նահանջել…NO COMMENT

    Like

    • antiliberastասում է՝

      ես չասեցի զրո ենք, ես ասեցի, որ թուքիայի դեմ պատերազմելն ու հաղթելը այսօրվա դրությամբ անհանար է։ Հա, կարողա լիքը զոհ տան իրանք, բայց իրանք 100 միլլիոնանոց են ու հաստատ քնձռոտ ազիկներից ավելի լավ են կռվում։ ՆԱՏՈյի ամենամարտունակ բանակնա համարվում թուրքականը

      Like

      • Վահէասում է՝

        ՆԱՏՕ-ն էս քանի տարի ա աֆղաններին չի կարում հաղթի, իսկ նույն աֆղանները Ղարաբաղում աղոթում էին իրանց մահվան վերջի աղոթքը:Իսկ թուրքերն էլ էս քանի տարի ա քրդական հարց չեն կարում լուծեն:
        1920 թվին թուրքերը Կարսի անառիկ բերդը առանց կրակոցի գրավեցին ոչ թե որ ուժեղ էին, այլ նրա համար, որ մեր զինվորները չկռվեցին, որովհետև վախենում էին, թերագնահատում էին իրենց ուժը:

        Like

      • antiliberastասում է՝

        բռատ, երևի մենք տարբեր բան ենք հասկանում հաղթել ասելով։ Տեսականորեն մենք էլ կարանք մի 30 տարի հելնենք սարերը ու գիշերային հարձակումներ անենք, պարտիզնական պատերազմ վարենք։ Բայց ցավոք սրտի ԴԵՌ մենք ի վիճակի չենք նե տո չտո բի մեր հողերը հետ բերենք, այլ հավանական պաերազմի դեպքում թուրքերին կանգնացնենք։ Ու էդ փաստա, իսկ դոկտրինի մեջ բնականաբար պետքա գրած լինի, թե ոնց պետքա պաշտպանվել, բա հո չեն գրելու, որ հենց թուրքը եկվա, պետքա սպիտակ դրոշ բարձրացնենք։ Ես ոչ մի կերպ չեմ փորձում նվաստացնել մեր բանակը, ինքս ծառայած տղա եմ ու կարամ ասեմ, որ Աստված չանի, կռիվ սկսի հենց թուրքերի հետ, իրանք երնեկ կտան, որ աֆղանների հետ կռիվ անեն, բայց դա մեկա հաղթանակ չի։

        Like

      • Վահէասում է՝

        ԴԵՌ-ը լավ էր, բայց հավատա մենք ի վիճակի ենք:Ասեմ ինչի. դարեր շարունակ մարդիկ ասել են «մենք ի վիճակի չենք», բայց տեղն եկած տեղը լավ էլ ի վիճակի ենք եղել:Չասես էն ժամանակ ուրիշ էր. միշտ էլ նույնն են ասել:
        Ես անհույս ռոմանտիկ չեմ, ավելին, ես չափազանց իրատես եմ ու իմ ասածները լուրջ պատմական հիմք ունեն:
        Իրա հողի համար կռվող հայից ուժեղ զինվոր չկա, իսկ թուրք ու ազերի զինվորի միջև տարբերություն չկա. Հայոց պատմությունը քեզ օրինակ:)

        Like

      • antiliberastասում է՝

        ապեր, դարեր շարունակ թուրքերը մեր հերը անիծում էին հենց դեմ առ դեմ էինք լինում ու դրան էլ ավելացնեմ, որ դարեր առաջել էինք մենք մի 3-5 միլլիոն, իսկ թուրքերը եթե հազար տարի առաջ էին մի էդքան, հիմա 20 անգամ շատացել են։
        Բռատ, կրկնում եմ, նենց չի որ ես թերագնահատում եմ մեր բանակը կամ առավել ևս մեր ազգը, բայց պակաս վտանգավոր բան չի գերագնահատել սեփական ունակություններդ։ Չգիտեմ, ծառայել ես, թե չէ, բայց եթե ծառայելել ես, ապա ռազմական գործից մեկա բան էլ գլուխ չես հանում, մի նեղացի։Ճ

        Like

      • Վահէասում է՝

        Նեղանալու բան չկա, ես նոյեմբերին եմ բանակ գնալու:
        Թուրքին մենք միշտ հաղթել ենք, երբ միասին ենք եղել: Ես չեմ խոսում զինվորական գործի մասին, ես ասում եմ, որ մեր երկիր մտած թուրքի դեմ կատաղի կկռվենք: Տասնութ թվի մայիսը օրինակ՝ բացի պաշտպանվելուց կարանք նաև հարձակվենք: Վերջին օրինակն էլ Շուշին:

        Like

      • antiliberastասում է՝

        Վահե ջան, պետք չի առանձին վերցված ճակատամարտը պատերազմի հետ խառնել։ Սարդարապատի ճակատամարտը մենք հաղթեցինք, բայց 1918 թվականի հայ-թուրքական պատերազմը այնուամենայնիվ պարտվեցինք։Ճ

        Like

      • Վահէասում է՝

        Լավ, արի էսքանով սահմանափակվենք. թող ամեն մեկս մնա իրա կարծիքին, բայց Աստված չանի պատերազմ լինի, էդ կարծիքները թողենք մի կողմ ու գնանք կռվելու (բնականաբար հաղթելու մտադրությամբ): Ու թող սրանք զուտ խոսքեր չլինեն, ինչպես շատ դեպքերում ա լինում:-)

        Like

      • antiliberastասում է՝

        համաձայնվեց։Ճ

        Like

  4. 1. Եթե Թուրքիայի համեմատ զրո լինեինք, ՀՀ ռազմական դոկտրինում ընդգրկված չէր լինի Թուրքիայի ագրեսիայի դեպքում գործելու ծրագիրը (մանրամասների մասին հասկանալի պատճառով չեմ խորանում):
    2. Դաշնակները աչքիս լույսը չեն, մեղմ ասած, բայց չեմ կարող ըմբռնել` ինչո՞վ պետք է թուրքական դրոշ վառելը խանգարի շատ երեխա ունենալուն: Սիմվոլիկ ակցիա է, որ նպաստում է կենսաբանական թշնամու դեմ ատելությունը պահպանելուն, իսկ այդ ատելությունն անհրաժեշտ է (հակառակում ինձ ոչ ոք չի համոզի):
    3. Որ գարեջուր կոնծելով Ծիծեռնակաբերդ բարձրանալը ծայրահեղ անշնորհքություն է` դա հաստատ: Ու դրա մեղքը միայն դաշնակներինը չի, այլ նաև ոստիկանությանը, որ էդպիսիններին միանգամից վզակոթին տալով չեն տանում քաղմաս:
    4. Ազատագրված տարածքները բնակեցնելու պետական ծրագրի բացակայությունն իրոք խայտառակություն է, սակայն դա որևէ կապ չունի ապրիլի 24-ի միջոցառումների հետ: Ռուսը կասեր` «Мухи-отдельно, котлеты-отдельно»:

    Like

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out / Փոխել )

Twitter picture

You are commenting using your Twitter account. Log Out / Փոխել )

Facebook photo

You are commenting using your Facebook account. Log Out / Փոխել )

Google+ photo

You are commenting using your Google+ account. Log Out / Փոխել )

Connecting to %s